Sula Frikyrkje er ei menighet som står tilslutta Den Evangelisk Lutherske Frikyrkje. Menigheten er ei fri luthersk menighet. Den Evangelisk Lutherske Frikyrkje vart skipa i 1877 som eit resultat av reformrørsla i statskyrkja. Den første menigheita var i Moss, den andre kom til like etter i Arendal. Som namnet seier, er frikyrkja luthersk. Vedkjenninga tok den med seg frå Den norske kyrkja. Men den er fri, det vil sei ikkje bunden til staten. Menigheten kaller sjølv pastor, eldste og diakonar. Dei sist nemnte tar seg av det timelege arbeidet i menigigheten.

Arbeidet i Sula starta i 1920 åra. Då vart også gamlekyrkja bygt med økonomisk støtte blant anna frå ei ”Bidragsliste” som vart laga til i Christiania. Kr 8.000 vart kostnaden på bygget. Den gongen heitte det Vågnes Frikyrkje, seinare kom namnet Sula. Byggearbeidet på den nye kyrkja starta i 1977 og var ferdig i 1981. Alt arbeidet var gjort på dugnad.

Første tida var menigheten under Ålesund, men i sekstiåra kom tanken om sjølvstende. Andre februar 1969 vart frikyrkjeflokken i Sula egen menighet.